గీత - నీ కోసం

పల్లవి:

నీ కోసం నేనున్నానంటూ
నీ వెంటే కడదాకా ఉంటూ
నడిపించే అనుబంధమై రానా
నీ గుండె సవ్వళ్ళే వింటూ
నీ తోటి నీ కలనే కంటూ
నీ కంటి కనుపాపనే కానా
మదిలో దాచుకోనా
పదిలం చేసుకోనా
వరమైన ఈ బంధమే... ॥ నీ కోసం ॥

చరణం ౧:

కలత చెందిన కనులు తుడిచిన చెలిమి నేనవ్వనా
పెదవి పంచిన తపన పెంచిన చెలిని నేనవ్వనా
జోలపాడి లాలించీ నీ అమ్మలా మారనా
వెచ్చనైన కౌగిలిలో ఓ పాపలా ఒదగనా
చూపునీవై, పదము నేనై, కలిసి అడుగేయనా... ॥ నీ కోసం ॥

చరణం ౨:

It takes a second to say I love you,
but a lifetime to show it.

ఏడు అడుగులు, మూడు ముళ్ళుగా మనము జత కలిసినా
రెండు మనసులె ఒకటి చేసిన ప్రేమనే సాక్షిగా
ఏడు జన్మలే ఐనా నీ తోడుగా నడవనా
మూడు ముళ్ళనే మించే అనుబంధమై అల్లనా
మరణమైనా గెలవలేని మనువు మనదేనులే... ॥ నీ కోసం ॥

చిత్రం: గీత
సంగీతం: సునిల్ కాష్యప్
గానం: చిత్ర

ఈ పాట వినటానికి ఈ లంకె గుండా వెళ్ళండి:
http://www.raaga.com/channels/telugu/movie/A0001211.html

ఇప్పట్లో వచ్చిన పాటలన్నింటిలోకి నాకు ఈ పాట నచ్చింది.
ఎక్కడైనా దొరికితే, వినండి. రాసింది ఎవరో తెలిస్తే, ఇంకా బావుంటుంది.
మంచి సాహిత్యం, మంచి బాణీ, మంచి గాత్రం.

ఇప్పుడు మీరు ఈ పాటను నా e-snips ద్వారా వినొచ్చు. పక్కన ఉన్న e-snips ప్లేయర్‌లో పాటను వినొచ్చు. లేదా కింద ఉన్న e-snips బట్టన్‌ను నొక్కడం ద్వారా నా e-snips అకౌంట్‌లో ఆ పాటను వినొచ్చు. :)

హాప్పీ డేస్ - అరెరే..

పల్లవి

నీ కోసం దిగిరానా
నేనెవరో మరిచానా
నీవల్లే కదిలానా
నీవల్లే కరిగానా
నాకోసం నేన్లేనా
నా సొంతం నువ్వేనా
ప్రేమంటే ఇంతేనా
కాదన్నా వింటేనా

అరెరే.. అరెరే..
మనసే జారె.. ॥ ౨ ॥
వరసే మారే..
ఇది వరకెపుడూ లేదే
ఇది నా మనసే కాదే
ఎవరేమన్నా వినదే
తనదారేదో తనదే

అంతా నీ మాయలోనె
రోజూ నీ నామ స్మరణే
ప్రేమా ఈ వింతలన్నీ
నీ వల్లనే.. ॥ ౨ ॥

చరణం ౧

స్నేహమేరా జీవితం అనుకున్నా
ఆజ్ మేరా ఆశలే కనుగొన్నా
మలుపులు ఎన్నైనా ముడిపడిపోతున్నా
ఇక సెకనుకెన్ని నిమిషాలో
అనుకుంటు రోజు గడపాలా
మది కోరుకున్న మధుబాలా.. చాల్లే.. నీ గోలా.. ॥ అంతా ॥

చరణం ౨

చిన్ని నవ్వే చైత్రమై పూస్తుంటే,
చెంత చేరి, చిత్రమే చూస్తున్నా..
చిటపట చినుకుల్లో తడిసిన మెరుపమ్మా..
తెలుగింటిలోని తోరణమా
కనుగొంటి గుండె కలవరమా
అలవాటులేని పరవశమా, వరమా, హాయ్ రామా.. ॥ అరెరే ॥


చిత్రం: హాప్పీ డేస్
సంగీతం: మిక్కీ జె మేయర్స్
గాత్రం: కార్తీక్
సాహిత్యం: వేటూరి / వనమాలి

హాప్పీ డేస్ - పాదమెటు పోతున్నా..

పల్లవి:
ఓ.. ఓ..

పాదమెటు పోతున్నా.. పయనమెందాకైనా
అడుగు తడబడుతున్నా.. తోడురానా
చిన్ని ఎడబాటైనా.. కంటతడి పెడుతున్నా
గుండె ప్రతి లయలోనా నేను లేనా..
ఒంటరైనా ఓటమైనా వెంటనడిచే నీడవేనా..
Oh.. my friend.. తడి కన్నులనే తుడిచిన నేస్తమా..
oh.. my friend.. ఒడిదుడుకులలో నిలిచిన స్నేహమా..

ఓ.. ఓ..

చరణం: ౧
అమ్మ ఒడిలో లేని పాశం నేస్తమల్లే అల్లుకుందీ..
జన్మకంతా తీరిపోనీ మమతలెన్నో పంచుతోందీ..
"మీరు.. మీరు" నుంచీ మన స్నేహ గీతం.. "ఏరా.. ఏరా"ల్లోకీ మారే..
మోమాటాలే లేనీ కళే జాలువారే..
ఒంటరైనా ఓటమైనా వెంటనడిచే నీడనీవే.. || oh my friend.. ||


చరణం: ౨
వాన వస్తే కాగితాలే పడవలయ్యే జ్ఞాపకాలే..
నిన్ను చూస్తే చిన్న నాటీ చేతలన్నీ చెంతవాలే..
గిల్లికజ్జాలెన్నో ఇలా పెంచుకుంటూ తుళ్ళింతల్లో తేలే స్నేహం..
మొదలో తుదలో తెలిపే ముడి వీడకుందే..
ఒంటరైనా ఓటమైనా వెంటనడిచే నీడనీవే.. || oh my friend.. ||

చిత్రం: హాప్పీ డేస్
సంగీతం: మిక్కీ జె మేయర్స్
గాత్రం: కార్తీక్
సాహిత్యం: వనమాలి

పాట చాలా బావుంది. సాహిత్యం వేటూరిగారా లేక వనమాలిగారా సరిగ్గా తెలియదు. మీకు తెలిస్తే, సరిచెయ్యగలరు. :)

హాప్పీ డేస్ - వీడుకోలే వేదికైనా

వీడుకోలే వేదికైనా
వీడలేనీ స్నేహమైనా
ఆనందమా.. వసంతమా.. ఓ.. ఓ..
హాప్పీ డేస్..

పరిచయాల పరిమళాలల్లె
అనుభవాల అల్లికలు గిల్లె
చెలిమికి నెలవైనా..
చదువుల కొలువైనా..
ప్రతి క్షణం.. మ్మ్.. ఓ.. ఓ..
మహోదయం.. మ్మ్.. ఓ.. ఓ..
హాప్పీ డేస్..

చిత్రం: హాప్పీ డేస్
సంగీతం: మిక్కీ జె మేయర్స్
గాత్రం: హర్షిక, మిక్కీ జె మేయర్స్
సాహిత్యం: వేటూరి

పాట చాలా బావుంది. సాహిత్యం వేటూరిగారా లేక వనమాలిగారా సరిగ్గా తెలియదు. మీకు తెలిస్తే, సరిచెయ్యగలరు. :)

"యమ దొంగ" - రివ్యూ

విడుదల అయ్యాక ఇన్ని రోజులకు రివ్యూనా అని అనకండి. నేను నిన్ననే ఈ సినిమా చూశా. అసలు రాజమౌళినేనా తీసిందీ అని చాలా సేపు ఆలోచించవలసి వచ్చింది..

NTR బావున్నాడు. ప్రియ మణి కి ఇలాంటి characters బావుంటాయి. ఆమెకు glamour పాత్రలు అస్సలు సరిపడవు. (నాకు నచ్చవు..) ఇంక మమత మోహన్ దాస్ చాలా బావుంది. సినిమా లో మాస్ కి కావాల్సినంత ఉంది కాని కథ, కథనమే బాలేవు.

కీరవాణి సంగీతం బాగుంది.. అంటే, ఒకటి రెండు ఫాటలు బాగున్నాయ్. మిగితా పాటలు మామూలు మాస్ పాటలే. ఎక్కడో విన్నట్తుగా ఉన్నాయ్.

ఇంక అసలు విషయం: సినిమాలో miss అయినది .. కథ, కథనం. కథ అంతా కలగా పులగం. కథ లో ఒక flow నాకు ఎక్కడా కనపడలేదు. ఆ యమలోకం సీన్లు, ప్రియమణి సీన్లు, ఒకదానికి ఒకటి పొంతన లేకుండా ఉన్నాయ్ అనిపిస్తుంది. ఇంక కథలో వదిలేసిన సీన్లు చాలా. చివర్లో అలిని మమత మోహన్దాస్ బెదిరిస్తున్నట్టుగా చూపిస్తారు. తరవాత ఆ ఊసే ఉండదు. యమలోకం సీన్లు ఉన్నప్ఫూడు కొన్ని భూలోకం సీన్లు కూడా చూపించి ఉంటే బాగుండేది. కాని అలా జరగలేదు. అందుకని, యమలోకం సీన్లు, తరవాతి సీన్ల మధ్య ఎదో miss అవుతున్నట్టుగా అనిపిస్తుంది.
NTR Sr. గారు వచ్చే సన్నివేశం బాగా ఉంది కానీ, మొదటి సారి చెప్పే dialogues అన్ని lip-sync లేకుండా ఉన్నాయ్. రెండవసారి వచ్చేటప్పుడు మాత్రం బాగా వచ్చింది.

కానీ, అక్కడక్కడా సీన్లు బాగ పండాయ్. ప్రియమణి - NTR మధ్య ఇంట్లో సీన్లు, యమధర్మ రాజుగా NTR dialogues.. ఇంకా, సెట్లు చాలా బాగా వేశారు. graphics ని కూడా బాగా ఉపయోగించుకున్నారు. యమధర్మ రాజు కోట, యమలోకం సెట్, తెలుగు సినిమాలన్నింటికీ high-light. ఇవన్నీ చూస్తే, మనం కూడా ఒక animation సినిమా ఈసీగా తీసెయ్యొచ్చు అనిపించక మానదు.

మొత్తానికి, సినిమాలో "ఎందుకు, ఏమిటి, ఎలా" అన్న విషయాలు అడగకుండా పక్కన పెడితే, సినిమా సూపరో సూపరు.