గ్రహణం - నేను చేసిన మంచి పని :)

నా జీవితంలో నేను చేసిన మొదటి మంచి పని, "గ్రహణం" సినిమా చూడటం. ఆ సినిమాని ఎన్నాళ్ళనుంచో చూద్దాం.. చూద్దాం అని
అనుకునీ, అనుకునీ, నిన్న బెంగళూరు ఫోరంకి వెళ్ళినప్పుడు "గ్రహణం" సిడి పట్టుకొచ్చా. నిన్న రాత్రి ఆ సినిమా చూశా. ఇంత అందమైన సినిమా నేను తెలుగులో ఇంతవరకూ చూడలేదు. అప్పుడెప్పుడో హిందీ సినిమా ఒకటి, జయ భాధురి, సంజీవ్ కుమార్‌
నటించిన "కోషిష్" సినిమా చూసినప్పుడు కలిగిన ఫీల్ నాకు ఈ సినిమా చూసాక కలిగింది.

ముందుగా, ఆ కోషిష్ సినిమా గురించి: అందులో హీరో, హీరోయిన్లు చెవిటి, మూగవాళ్ళు. ఇద్దరు ప్రేమించి, పెళ్లి చేసుకుంటారు. వారి సంసారం ఎలా ఉంటుంది, చివరికి ఏం అవుతుంది అనేదే ఈ సినిమా. వారికి మొదటి బిడ్డ పుట్టినప్పుడు ఆ బిడ్డ చెవిటి, మూగ కాకూడదు అని వాళ్ళు పడే ఆవేదన, దాన్ని నటించిన వైనం.. ఇవన్ని చూస్తేనే తెలుస్తాయ్. వీలుంటే, సీడీ కొనుక్కుని,ఈ సినిమా చూడండి.

తరవాత, గ్రహణం గురించి. ఈ సినిమా నన్ను చాలా ఆలోచింపజేసింది.జయలలిత నాకు అదేదో సినిమాలో "సభకు నమస్కారం"
అనే కారెక్టరు, కొన్ని వాంప్ పాత్రలతోనే గుర్తు. ఆవిడ ఇంత బాగా నటించగలరని నాకు తెలియదు.
అసలు, ఈ సినిమా దర్శకుడిని, ఛాయాగ్రాహకుడిని, నటీనటులందరినీ మెచ్చుకోవాలి. ఫాక్షన్, "నవవసంతం" లాంటి పాత చింతకాయ సినిమాలు చూసీ, చూసీ, విసిగి వేసారిన సగటు తెలుగు ప్రేక్షకుడికి ఇలాంటి సినిమాలు ఎంతో అవసరం.

ఈ చిత్రంలో నాకు నచ్చిన ఇంకో పాయింటు, దీని ఛాయాగ్రహణం. మొత్తం నలుపు-తెలుపులో తీసి, చాలా మంచి పని చేశారు. చివర్లో, ఆ డాక్టర్ కనే కలలు మాత్రం కలర్‌లో తీసి సినిమాని చాలా అందంగా చేశారు. మొత్తానికి, చెప్పొచ్చేదేంటంటే, ఇలాంటి సినిమాలు తెలుగు పరిశ్రమలో చాలా రావాలి. అంతకంటే ముందు, "నవవసంతం" లాంటి సినిమాలను బాన్ చెయ్యాలి.

పోయిన వారం నేను "నవవసంతం" సినిమాకు వెళ్ళింటి. ఆ సినిమా ఎందుకు చూశానా అని నన్ను నేను, నన్ను తీసుకెళ్ళిన మా మిత్రుడిని తిట్టుకోని క్షణం లేదు. :( ఇప్పుడు, ఆ సినిమా యాడ్ వస్తే కూడా.. ఆ సీన్లు గుర్తు వచ్చి, వెన్నులో చలి పుట్టుకొస్తుంది. కేవలం "నవ" కోసం తీసే సినిమాలు ఇంకొసారి చూడకూడదు అని నిర్ణయించుకున్నాక చూసిన మొదటి సినిమా "గ్రహణం".

గీత - నీ కోసం

పల్లవి:

నీ కోసం నేనున్నానంటూ
నీ వెంటే కడదాకా ఉంటూ
నడిపించే అనుబంధమై రానా
నీ గుండె సవ్వళ్ళే వింటూ
నీ తోటి నీ కలనే కంటూ
నీ కంటి కనుపాపనే కానా
మదిలో దాచుకోనా
పదిలం చేసుకోనా
వరమైన ఈ బంధమే... ॥ నీ కోసం ॥

చరణం ౧:

కలత చెందిన కనులు తుడిచిన చెలిమి నేనవ్వనా
పెదవి పంచిన తపన పెంచిన చెలిని నేనవ్వనా
జోలపాడి లాలించీ నీ అమ్మలా మారనా
వెచ్చనైన కౌగిలిలో ఓ పాపలా ఒదగనా
చూపునీవై, పదము నేనై, కలిసి అడుగేయనా... ॥ నీ కోసం ॥

చరణం ౨:

It takes a second to say I love you,
but a lifetime to show it.

ఏడు అడుగులు, మూడు ముళ్ళుగా మనము జత కలిసినా
రెండు మనసులె ఒకటి చేసిన ప్రేమనే సాక్షిగా
ఏడు జన్మలే ఐనా నీ తోడుగా నడవనా
మూడు ముళ్ళనే మించే అనుబంధమై అల్లనా
మరణమైనా గెలవలేని మనువు మనదేనులే... ॥ నీ కోసం ॥

చిత్రం: గీత
సంగీతం: సునిల్ కాష్యప్
గానం: చిత్ర

ఈ పాట వినటానికి ఈ లంకె గుండా వెళ్ళండి:
http://www.raaga.com/channels/telugu/movie/A0001211.html

ఇప్పట్లో వచ్చిన పాటలన్నింటిలోకి నాకు ఈ పాట నచ్చింది.
ఎక్కడైనా దొరికితే, వినండి. రాసింది ఎవరో తెలిస్తే, ఇంకా బావుంటుంది.
మంచి సాహిత్యం, మంచి బాణీ, మంచి గాత్రం.

ఇప్పుడు మీరు ఈ పాటను నా e-snips ద్వారా వినొచ్చు. పక్కన ఉన్న e-snips ప్లేయర్‌లో పాటను వినొచ్చు. లేదా కింద ఉన్న e-snips బట్టన్‌ను నొక్కడం ద్వారా నా e-snips అకౌంట్‌లో ఆ పాటను వినొచ్చు. :)

హాప్పీ డేస్ - అరెరే..

పల్లవి

నీ కోసం దిగిరానా
నేనెవరో మరిచానా
నీవల్లే కదిలానా
నీవల్లే కరిగానా
నాకోసం నేన్లేనా
నా సొంతం నువ్వేనా
ప్రేమంటే ఇంతేనా
కాదన్నా వింటేనా

అరెరే.. అరెరే..
మనసే జారె.. ॥ ౨ ॥
వరసే మారే..
ఇది వరకెపుడూ లేదే
ఇది నా మనసే కాదే
ఎవరేమన్నా వినదే
తనదారేదో తనదే

అంతా నీ మాయలోనె
రోజూ నీ నామ స్మరణే
ప్రేమా ఈ వింతలన్నీ
నీ వల్లనే.. ॥ ౨ ॥

చరణం ౧

స్నేహమేరా జీవితం అనుకున్నా
ఆజ్ మేరా ఆశలే కనుగొన్నా
మలుపులు ఎన్నైనా ముడిపడిపోతున్నా
ఇక సెకనుకెన్ని నిమిషాలో
అనుకుంటు రోజు గడపాలా
మది కోరుకున్న మధుబాలా.. చాల్లే.. నీ గోలా.. ॥ అంతా ॥

చరణం ౨

చిన్ని నవ్వే చైత్రమై పూస్తుంటే,
చెంత చేరి, చిత్రమే చూస్తున్నా..
చిటపట చినుకుల్లో తడిసిన మెరుపమ్మా..
తెలుగింటిలోని తోరణమా
కనుగొంటి గుండె కలవరమా
అలవాటులేని పరవశమా, వరమా, హాయ్ రామా.. ॥ అరెరే ॥


చిత్రం: హాప్పీ డేస్
సంగీతం: మిక్కీ జె మేయర్స్
గాత్రం: కార్తీక్
సాహిత్యం: వేటూరి / వనమాలి

హాప్పీ డేస్ - పాదమెటు పోతున్నా..

పల్లవి:
ఓ.. ఓ..

పాదమెటు పోతున్నా.. పయనమెందాకైనా
అడుగు తడబడుతున్నా.. తోడురానా
చిన్ని ఎడబాటైనా.. కంటతడి పెడుతున్నా
గుండె ప్రతి లయలోనా నేను లేనా..
ఒంటరైనా ఓటమైనా వెంటనడిచే నీడవేనా..
Oh.. my friend.. తడి కన్నులనే తుడిచిన నేస్తమా..
oh.. my friend.. ఒడిదుడుకులలో నిలిచిన స్నేహమా..

ఓ.. ఓ..

చరణం: ౧
అమ్మ ఒడిలో లేని పాశం నేస్తమల్లే అల్లుకుందీ..
జన్మకంతా తీరిపోనీ మమతలెన్నో పంచుతోందీ..
"మీరు.. మీరు" నుంచీ మన స్నేహ గీతం.. "ఏరా.. ఏరా"ల్లోకీ మారే..
మోమాటాలే లేనీ కళే జాలువారే..
ఒంటరైనా ఓటమైనా వెంటనడిచే నీడనీవే.. || oh my friend.. ||


చరణం: ౨
వాన వస్తే కాగితాలే పడవలయ్యే జ్ఞాపకాలే..
నిన్ను చూస్తే చిన్న నాటీ చేతలన్నీ చెంతవాలే..
గిల్లికజ్జాలెన్నో ఇలా పెంచుకుంటూ తుళ్ళింతల్లో తేలే స్నేహం..
మొదలో తుదలో తెలిపే ముడి వీడకుందే..
ఒంటరైనా ఓటమైనా వెంటనడిచే నీడనీవే.. || oh my friend.. ||

చిత్రం: హాప్పీ డేస్
సంగీతం: మిక్కీ జె మేయర్స్
గాత్రం: కార్తీక్
సాహిత్యం: వనమాలి

పాట చాలా బావుంది. సాహిత్యం వేటూరిగారా లేక వనమాలిగారా సరిగ్గా తెలియదు. మీకు తెలిస్తే, సరిచెయ్యగలరు. :)

హాప్పీ డేస్ - వీడుకోలే వేదికైనా

వీడుకోలే వేదికైనా
వీడలేనీ స్నేహమైనా
ఆనందమా.. వసంతమా.. ఓ.. ఓ..
హాప్పీ డేస్..

పరిచయాల పరిమళాలల్లె
అనుభవాల అల్లికలు గిల్లె
చెలిమికి నెలవైనా..
చదువుల కొలువైనా..
ప్రతి క్షణం.. మ్మ్.. ఓ.. ఓ..
మహోదయం.. మ్మ్.. ఓ.. ఓ..
హాప్పీ డేస్..

చిత్రం: హాప్పీ డేస్
సంగీతం: మిక్కీ జె మేయర్స్
గాత్రం: హర్షిక, మిక్కీ జె మేయర్స్
సాహిత్యం: వేటూరి

పాట చాలా బావుంది. సాహిత్యం వేటూరిగారా లేక వనమాలిగారా సరిగ్గా తెలియదు. మీకు తెలిస్తే, సరిచెయ్యగలరు. :)